benggansa
Si Pedro ay isang mayaman na tao. Mayroon siya ng lahat na makabagong gamit at kasootan. Masasabing nasa kanya ang lahat na mga bagay na pangarap ng isang tao. Ngunit mayroon siyang isang kaaway, si Tomas. Siya ay naiiba sa karamihan. Naniniwala siya sa paghihiganti at para sa kanya, ito ang sagot sa lahat ng problema.
Mayroong isang bagay na pareho si Pedro at Tomas. Pareho nilang mahal si Leah. Ngunit ang napupusuan ni Leah ay si Pedro. Ito ay siyang ikinagalit ni Tomas kay Pedro. Kahit alam ni Tomas na si Pedro ang gusto ni Leah, determinado pa rin siyang mapaibig si Leah sa kanya.
Isang araw, magkasamang namamasyal si Pedro at Leah sa parke. Nakita nila si Tomas. Nagtama ang kanilang paningin ngunit ibinaling ni Pedro sa iba ang kanyang tingin upang makaiwas sa gulo. Lumapit si Tomas at tinanong kung ano ang ginagawa ni Pedro kasama si Leah. Sinabi ni Pedrong sila ay masayang namamasyal hanggang sa siya ay dumating. Pinilit ni Tomas na sumama sa kanya si Leah ngunit ayaw nito. Umalis na lamang si Pedro at Leah para hindi tumuloy sa away ang kanilang pagtatagpo. Nagalit si Tomas at nangako sa sariling maghihiganti.
Kinabukasan, napagkasunduan nina Tomas at ng kanyang mga kaibigan na saktan si Pedro. Habang naglalakad sa pasilyo sa paaralan, binugbog nina Tomas si Pedro. Labis na nasaktan si Pedro at dinala sa pagamutan. Sina Tomas naman ay tumakbo palayo para hindi mapagbintangan.
Nagkaroon ng imbestigasyon at napagalamang si Tomas ang may kagagawan ng lahat. Napatalsik sa paaralan si Tomas at ang kanyang mga kasabwat. Tuluyang nagalit si Leah kay Tomas at lalong lumayo sa kanya. Kinalaunan ay gumaling ng mul si Pedro at nagkaroon ng masayang relasyon kay Leah.